Cha kwanza mie kunena, Jalai namshukuru
Pendo amedhihirisha, kwangu niliye muovu
Wazazi kanijalia, jali maslahi yangu
Wavyele hongera sana, duangu aushi ndefu
Lengo niishi na nyinyi, kwa karibu nitembee
Nihakiki mefurahi, wala msikasirike
Yule takayewaudhi, mara moja angamie
Wavyele hongera sana, duangu aushi ndefu
Nia yangu siku moja, sote pamoja tuwepo
Kusiwepo kutengana, wala litenganishalo
Niwe kuwahudumia, kwa vyovyote mtakavyo
Wavyele hongera sana, duangu aushi ndefu
Nafika kikomo mie, sifa nyie nawapeni
Muendeleeni vile, iwe isiwe ni mimi
Neema Mola tawape, kwa mtendayo mazuri
Wavyele hongera sana, duangu aushi ndefu
No comments:
Post a Comment